كلمات أغنية سمية الشمس
عذبه مضاوي وطاريها عذب
سميه الشمس تشبه شمسها
الجادل اللي مجادلها صعب
حلو نباها فريد جنسها
شيخه صبايا ومنسوبه عرب
تضحك لباكر وتفخر بامسها
تفرق عن الغير لاكثر من سبب
حقايق النور يصعب طمسها
ترفه ملامح وقتال هدب
شلف وهنادي بصفه خرسها
ريه خصايل وخصلتها ذهب
كم خلت الريح تنسى نفسها
ما ودها الا ليا مرت تهب
في عيدها هي فرحها وانسها
مورق نداها ورويانه ادب
تضمى السحايب لغيمه همسها
تقبل مضاوي وتساقط رطب
كن المشاعر قليل فعرسها
دايم وخاطر مراياها رحب
تنفض مللها وتجلى عن سهى
كن تسارق بغرتها لهب
يعجب سناها ويحرق لمسها
او كن ربي على الحجه كتب
الموت منه لمعشر انسها
للشعر عذره وللهاجس سبب
بانت مضاوي وهلت شمسها
عذبه مضاوي وطاريها عذب
سميه الشمس تشبه شمسها
عز الله اللي كسب يدها كسب
متجمع كل عز بخمسها
محبوبه عند محبوب الشعب
راقي هدفها رفيع حسها