كلمات أغنية اخت النهار

انتي وينك ياللي في عز احتياجي
رحتي عني وخاب ظني
يعني ما هزك حنينك ولا صحاك الوله
يعني ما اشتاقت لي عينك في زحام الاسئله
يا ملامح صوت عيا لا تغيب
يا ندى ضاع بتراتيل المدى
وحلم في الدنيا غريب وصوت ابد ماله صدى

ياللي لك ناديت في غربه ضما
العطش قتال واشواقي تنادي
كنك النجمه البعيده في السما
ودي اوصل لك على غيمه سهادي
اختفى صوتي ولا باقي كلام
وفي سكوتي دمعه وصرخه ملام
رحتي عني في مسافات الدروب
وغبتي عني في نهايات الغروب
وذابت حروفي على صدر الورق
ذبلت الاحلام والشمع احترق

يا عروس الشمس يا اخت النهار
يا بقايا عطر مليت انتظار
كلما ناديت باسمك يشتعل للشوق نار
وكلما عانقت رسمك كل ما فيني يغار
انتي وينك اااه يا اخت النهار

شفت هذا الليل اللي فيه من حزني ملامح
شفت هذا الفجر اللي يبغى لجروحي يصافح
ما ينسوني عيونك بحرها وشط السواد
والعمر كله بدونك نار تاليها رماد