كلمات أغنية ياناس ياشر
ياللي بتبصوا في عيشتنا
انتوا عايزين منا ايه
ليل نهار جايبين سيرتنا
ومش سايبنا في حالنا ليه
إرحمونا خلاص تعبنا
من عينيكوا الوحشه دي
وشيلوا عينكم من حياتنا
وسيبونا بقي في اللي إحنا فيه
مش كل ما ربنا يدينا تغيروا وتغلوا
والنعمة لما تبان علينا تبقوا هتتجنوا
ياناس ياشر كفاية قر
من أذانا هاتاخدوا ايه
دا العسل بقي طعمه مر
من كتر بص عينيكوا فيه
اللي باصصلنا في لقمتنا
يارب اكفينا شر عنيه
واللي بيحسدنا على راحتنا
اللهي ربنا يشقيه
واللي مش طايق سيرتنا
يارب كره نفسه فيه
واللي نيته من ناحيتنا
سوده زيه إقلبها عليه
وبدل ما فينا عمال يرازي ارزقه باللي يرازيه
مستكترين الدنيا تضحك لينا ليه ونفرح يومين
هي ليه الكحكة عجبة تملي في إيدين اليتيم
صعبان عليكوا ليه تشوفونا فرحانين ليه ومبسوطين
دا احنا طالع عين أبونا وتعبانين مش مرتاحين
الرزق لما يدق بابنا تبقوا عايزين تمنعوه
مش كل قرش يخش جيبنا تبصوا فيه وتنظروه
حلوا عنا حرام عليكوا ده احنا في القرش شقيانين
وبطلوا الغل اللي فيكوا وارحمونا من دي عين
اللي باصصلنا في لقمتنا
يارب اكفينا شر عنيه
واللي بيحسدنا على راحتنا
اللهي ربنا يشقيه
واللي مش طايق سيرتنا
يارب كره نفسه فيه
واللي نيته من ناحيتنا
سوده زيه إقلبها عليه