كلمات أغنية ضربه حظ

الحظ ويا الغشيم خلاه بقا شاطر
خلاه في لحظة علي وركب
خلاه في لحظة علي علي وركب على الشاطر
مع انه اخر السبق ولا يوم سبق شاطر
يا حظ يا ابن الايه
يا حظ يا ابن الايه
يا معاند الشاطر
ماتخلي عندك نظر وبص ع الشاطر
اعدل بقا كفتك
اعدل بقا كفتك خليك جدع شاطر
معقول غشيم بالحظ يغلب يغلب ميتين شاطر
الحظ ويا الشطارة ميتفقوش الاتنين
هرفع ع الحظ قضية واطلب غرامة تأخير
كل ده مش حاسس بيا يعوض صبري انا خير
جرى ايه ياحظ ما تظبط نفسك فتح عينك بص
نشنت يا فالح ع المش فالح ونشانك في النص
ركز ع الشاطر ابوس ايديك مش ع النص نص
ضربة حظ انا مستنيها ليل ونهار انا بحلم بيها
والدنيا هتضحك بعديها من المر اطلع ع الحلو اخش
وانسى الحزن اقوله انساني شوفلك بقا غيري واحد تاني
نفسي يا حظ تكون حقاني لما ارمي الواد ألقاه بيقش