كلمات أغنية توب الرجوله

جدعان من يومنا وماليين هدومنا
وفي اي أرض لينا إحترمنا
كلمتنا واحده ومعروف تمامنا
وتوب الرجوله اتفصل مخصوص عشانا

سايبنها علي الله ومش شاغلنا
مين قال علينا ولا مين ظالمنا
بنكسب محبة اللي منا
ولو مين علينا عمره ف يوم ماهيغلبنا

حب الناس نعمه ربنا يحبب فينا خلقه
ويديمها علينا ويرزقنا ويغنينا من عنده
واللي الناس بتحبه احسن من اللي محدش طايقه
جدعان من يومنا واللي بيجي عالسكه نقفله
بنقول للاعمي فوشه انت اعمي و مش بنافقه
لا حد مأكلنا لقمه عشان نمشي نسقفله
ولا حد كاسر عينا ولا معلم علي وشنا كفه

بالود خالصه وبالحب ماشيه
لا لينا شله ولا لينا حاشيه
أبطال بطولنا ورجلينا ثابته
واللي يعاملنا بإخلاص بنشيله في عنينا

طريقنا دغري وسكتنا سالكه
وسيرتنا حلوه وأسامينا ماركه
وصحبتنا صحبة خير وبركه
وبجدعنتنا بيحكوا ويتحاكوا علينا

مبنخافش غير من اللي خالقنا
بناكل ونشرب من عرق جيبينا
واللي يعادينا يبقي خساره فيه محبتنا

لا يوم بصينا للي في ايد غيرنا
بنبوس ايدينا ونرضي بقليلنا
بنام ونصحي مرتاح ضميرنا
وعشان غلابه ربنا في الدنيا ساترنا