كلمات أغنية اللي بيحبك بجد في ضيقتك هتلاقية

اللي بيحبك بجد
في ضيقتك هتلاقيه
مادد دايما ايديه
وجدعنة الدنيا فيه
ووقت الوجع بيسد

اللي بيحبك بجد
مش هيصاحبك لعله
ولا ب نيه مستغله
ولا هيمسكلك ذله
ويفضح فيك عند حد

ويعذرك ويقدرك
وعمره يوم ماهيخسرك
عشان حاجات تافهه وعبيطه
هينبهك ويحذرك
ويقومك لو يوم برك
ضهرك وحزنك كسرك
وهيبقي ليك عكاز وحيطه

لو كل ناس الكون عليك
هيبقي عزوه وضهر ليك
وعمره يوم ما هيخلا بيك
لو فيها موت وخراب ديار
لو شاف أذيه جايه ليك
هيحوشها عنك ويفاديك
وعمره يوم مايسيب أيديك
ولو هتمشي في وسط نار

هيقول في ضهرك شعر فيك
ويستر العيبه اللي فيك
لو حتي فيك كل العبر
لو خاصمته مش هيعاديك
ولا يمشي يتكلم عليك
ويعايرك انك فيك وفيك
لو بينكوا ألف شيطان حضر

اللي بيحبك بجد
لو بيتك كان فضا
و مش لاقي اللاضا
عيشك ياكله برضا
وميخونش يوم العهد