كلمات أغنية ياعبدالله ياخويا
- كلمات
- حسن ابو عثمان
- ألحان
- بليغ حمدي
يا عبد الله ياخويا سماح
وسيبك من اللى عدى وراح
تعالى نعيش انا وانت
فى دنيا كلها افراح
وسيبك من اللى عدى وراح
تعالى نفتح الشباك
على الدنيا اللى جاية هناك
على النسمة على البسمة
على بكرة وانا وياك
تعالى نكسب الايام
ونمشى خطوتين قدام
فى دنيا كلها افراح
وسيبك من اللى عدى وراح
سماح واهل السماح حلويين
وتعالى نقطف الياسمين
دى مرة اللقمة فى الوحدة
وحلوة لو كلوها اتنين
تعالى نكسب الايام
ونمشى خطوتين قدام
تعالى نعيش انا وانت
فى دنيا كلها افراح
وسيبك من اللى عدى وراح