كلمات أغنية توافيق القدر

كل شي الا شعور الحزن لاينتابك
مستعد ارسم لك الايام والونها

ولاتخاف ان الزمن يرخص مقام اهدابك
الحرار تهاجر وترجع على موطنها

هات صوتك من زعلك لضحكتك لعتابك
واسترح بين الضلوع العوج ياساكنها

جابك احساسي مهوب الطاري اللي جابك
والوله يامر قلوب العاشقين وينهى

وانت حاجة مستحيل يصد قلبي عنها

حافظك ب اصغر تفاصيلك وكل اسبابك
ومعتبرك اجمل توافيق القدر واثمنها

جعل يفداك القصيد اللي يثير اعجابك
تدري ان ذكراك بين الذكريات ازينها

من كثر ما ذكرياتك ترتبط ب اطيابك
كل يوم امر ذكرى واتطيب منها