كلمات أغنية كاسب النوماس

شاقني موقفك يا عايش على بدع الفرايد
هجرسن وسط الحنايا والمعاني فالمعاني

شاعرن صغت البيوت المحكمات من الشرايد
ساقها لراعي الوفاء اللي مع رفيعين المكاني

يوم جيته في لزومي عن لزومي ما تحايد
قال موضوعك نحله من عيوني في ثواني

صيرمين يكسب النوماس مع كل البدايد
عادته كسب الجزايل عالين قدر ومكاني

ياعوين اللي وطاه الوقت وظروف الزماني

كاسب النوماس حرن مع وسيعين البنايد
وارث الامجاد وفعولك مع الطيب تباني

ونعم يابن الحمايل يا صدوقن في الوعايد
تستحقه وانت كفون للمدايح يا الحصاني

ما على شرواك ياعايش بن مسكن بعايد
سابقن في الطيب جيلك عن عريبين المجاني

وقفتك دايم تعز رجال وتذل البلايد
شامخا في الوقت يا عايش مثل نجم اليماني

من بني ذبيان لا حان الخطر نارن وقايد
فعلكم وقت القى معروف ما يرجع ثماني