كلمات أغنية من حقي نبكي

من حقي نبكي وحدي غير انا
حرموني من الخوخ في وقتو طايب
خدودها كالتفاح مطبوع بخانه
يا سيدي وشوفو الرجال وما تكسب
الشعور مخبلين زي البستانه
الشفايف ضراف والعنق يرهب
تحت العنق جبرت حاله مزيانه
خلقه ربي رخام للعاشق يلعب
زدت شويه صبت رمان الجنه
ا خاوتي قلعت ذاك الغلاف وبقيت نقلب
هبطت شويه بعد ذاك تسالمنا
وعمرت زوج كيوس مدتلي نشرب
اشربنا من الغرام حتى روانا
والقلب لي مريض ثم جبر الطب
ذاك اليوم صعيب كي يوم الفنا
وبعد وقع الخلاف والقلب مع القلب
نبكو للارض والسما والكائنا
الدمعه تبقى تسيل والخد يصلب
كي ترقد الناس في الليل وتهنا
تبقى تاكل في الفراش وتتقلب
نخاف الجوارين لا يسمعونا
هذا نص الليل ما هوش المغرب
ا سيادي عقليتها صعبه مره شينه
ويحسن عون خليلتي تبغي تلعب
ما نهنا ما نتوب يا حوجي انا
ولي ذاق الغرام يبقى يتعذب
حسراه على ايام في زهو وقانه
وما ينفعني لا طبيب ولا طالب
تفكر خاطري جماعه يمينه
وهذي الفرقه صعبه والله غالب
ما نهنا ما نتوب يا حوجي انا
ولي ذاق الغرام يبقى يتعذب
حسراه على ايام في زهو وقانه
راه باقي النار في قلبي تلهب
تفكر خاطري جماعه يا منيه
هذا الفرقه صاعبه والله غالب
القدره والمكتوب فرق بيننا
وتفارقنا وما بقا حد يواجب
يا بن سيدي واش ينسي فرقتنا
لا طالب ولا طبيب راني نتعذب
مثل السوسه في العظم هذي المحنه
لي قتلتني العين كحله والحاجب
نرجاو المكتوب تلحق دالتنا
ولي فارقو صاحبو ليمن يهرب
هذي ثلث سنين وانا نستنا
كي نسكر نروح للباب نطبطب
يا فاهم الكلام لازم تعذرنا
لو كان جات بالموت لازم نحارب
لاكن القانون صدر ومنعنا
حتى انا خواف والحكم يراقب
هذي العدره لقيتها غير خيانه
لقاتني تبكي وتشتكي في اول حب
ولي صرالهم مثل ما يفهمونا
ياك الحب يطوع لي هو تايب