كلمات أغنية فضيله
سيادي انا سباب عمري فضيله
منها راني مريض خايف لا نهبل
انا كنت زمان زاهي في غلفه
حتى ضربني ريح جاني متقبل
هذا الزين مقيوم من كل مساله
نصبر ولي كاتبه لازم توصل
هب نسيم كبير جاني من القبله
غالق الطرقان ليا ومقدل
لكن ذا بشار بعثاتو طفله
بعثاتو مرسول جا ليا عاجل
تقدم ومد ليا رساله
شديتها وبقيت نقرا ونسول
كي سولتو منين هاذي المريوله
قال اتبعني يا الخو ليها توصل
اداني رحنا جواله
ماني داري بالمحاين كي توصل
كي وصلني نصيب هاذي الغزاله
تمشي مشي القمام ثم وتزعبل
بانت لي من قريب نخله تتلالا
ذاك الشعر الزين طايح متخبل
وحواجبها ظراف والصيفه حاله
في عينيها تقول جعبات مكاحل
والسيقان ظراف دبلوني دبله
يا خوتي سبحان ربي ما فصل
تتولى بالقد والباقي حاله
في زينها يا ناس لا تتمثل