كلمات أغنية يا يابه
يابا يا قمري البهل وحيات عيوني المشتهاك
يا يابا في نظرك متلواشوقي لي لهفه رؤاك
يا يابا كان شوفك كمل باكر تشوف بي عينك جناك
والله تمرك ما همل ما دام مسمدو بي شقاك
صح يابا ايامنا بتقلالا المفضلي منو هاك
وعمري الطويل فوقك يضل ينشر يابا حدود رضاك
بس يابا لا تبكي وتسل روحي المشكنه في هواك
انا بس كفايا القاك تبل شوق القلوب المشتهاك
ما ياني زاتي المن طفل متلمي ابويا علي ضراك
ربيتني بالصبر الطول سويتني بي بركه دعاك
والليلي كان حملك تقل خت المحملو فوق جناك
كان تقدر الايام تحل دين السنين وجزا عطاك
بس يابا لا تخاف المنون مادام مصير الناس هلاك
واعرف كمان والدي الحنون الصالحي ما اتقطعت وراك
وكان الله شال نور العيون يا يابا نحن وهج ضياك
ان شاء الله ما تخيب الظنون عشمك بتلقي الفي جناك
انا كان مناي والكون عريس القاك تهش بالخير جناك
وكان طل دربك يابا ميس شيلن عيوني ابوي فداك
هبشني في الايام بصيص احسبني خطوه مع خطاك
يا ريتني يوسف والقميص اكسير عويناتك دواك
يا يابا يا قمري البهل