كلمات أغنية يادنيا
يادنيا بي حظي الزريع بتحمل القدر المريع
خايف من الاحزان اضيع ما القي بي قربي الوجيع
صوت القوافي البيك تنوح والسالفه في لحظه وضوع
فارقتي والايدين تلوح رسبتي في عيني الدموع
وريني وين بعدك اروح بينا اقطع عشم الرجوع
في قلبي ما بتبري الجروح من فتي فارقتي الهجيع
ليه دنيتك كانت سراب ممدودا بي مد العذاب
احزني لازمني اكتئاب وانا بي وراكي شبابي شاب
سدي المداخل وكل باب طليني من دنيا الغياب
بلقاكي في نفس الرباب واشعاري ليك عالم وسيع
ساهرتا طول الليل معاك كم مره عديت النجوم
ما طافت الاحلام رؤاك لو اضمن احلمبك بنوم
ياقلبي يا ضايع كفاك شن جبتا غير حسرا وهموم
ابكيها لو ينفع بكاك الدمعه ما بتجدي الصريع
فارقتي في عز الغرام من قبل ما تثبت خطاي
افردتا ليك درر الكلام خلدتا وصفك في غناي
ماانتي ما بين المسام في كل احساسي ومعاي
طفل الغرام البينا نام اتلافتو الاقدار رضيع
سبتيني لحزني العميق للحسره لخاطري الجريح
ياريتني لو اقدر افيق لو متا يمكن استريح
يا دنيا طال بي الطريق وانا بين مسافاتك كسيح
كيفن وصولي بلا رفيق والخطوه كيف بعدك تطيع
زود شجوني علي العلي طيف المهاجر مني فات
يادنيا ما بايدي شئ غير الله يلهمني الثبات
والباقي في جواي حي ياحليلو ودع سيدو مات
ببكيهو عمري الباقي لي فوق الدموع لو بستطيع