كلمات أغنية ما لقينا بيت

ما قلت لي رغم الظروف
حاسكنك جوه الحروف
وسكنت في حرف البكى
لون عيوني ضباب وخوف
تاوقت مابين الرموش
سدت ملامح الوجعه شوف
ورجعت تاني اقول كفاي
غير الحرق ما عندي جوف
مالقينا بيت
مالقينا بيت لو حتى من الطينه طوف
لا حتى حته نسوره ومن حولها ندور نطوف
ونلبي لامن ننكفي وفي وشنا نعيد الوقوف
مالقينا بيت
مالقينا بيت يسترنا من عين القدر
ما الدنيا ضاقت بالبشر
فتشنا جحر النمله قصينا الاتر
لمن دخلنا علي النمل قالينا خشو بلا زعل
قرصنا ما قاصد هو شر
عبر عن الفرح الغمر
وبي قلبو لمن شافنا قال
معقوله يتواضع بشر
ويسيب في بيوت الدنيا
يزهد في ترابها وفي البحر
ويخلي كل مفاتنا
وامالها واحلام العمر
ويعيش مع النمل البكد في
الصخره شان حبه امل
جحرا مضلم مافي نور
لا حتى طاقه ولا قمر
لامويه لا جدول يكب
لما الخريف يتكي المطر
مالقينا بيت
مالقينا غير جحرا تبيت النمله فيهو
وسكنا ما دافعين ايجار لما النمل ما هان عليهو
تلقانا واقعين في الارض ويدوسنا في سكه مشيهو
وقال لينا في الصيف اسكنو
ولما الشتا يزور الديار نفرح معاكم بي مجيهو
مالقينا بيت
ما لقينا بيت نتكل عليو كل الهموم
مالقينا غير ناسا تنوم شان تصحى تاني عشان تنوم
واحلامنا ما بتقدر تقوم
كيفن بتتقطر مطر قبال تكون اصلا غيوم
مالقينا بيت
يا دنيا دست في حشاها مساحتا
نكرت ولد انسانا قالت ماخلق ادم زمان من طينتا
يا زايله زالت من قليبا محنتا
لا نحنا شاحدين حنها لا حتى دايرين سكنتا
باكر على الجنه بنعيش والدنيا تعرف غلطتا