كلمات أغنية ما بتخيل

انا ما بتخيل انو تروحي وتسكني بين طيات الذكرى
وشايله معاك في روحك روحي
ما بتخيل اصبح باكر والقاك مافي قصاد عينيا
وكيف اتحمل فقد الدنيا الفيها احلامي اترسمت ليا
عمرو ما كان البعد مسافه والا الطيف كا مل الجيه
وما بتتخيلي هزت قلبي لحظه طيفك ماشي عليا

ما بتخيل وين راح امشي لمن ترحلي مني تروحي
كيفن يصبح ذكرى البينا وسيل اشواقنا ولحظه بوحي
ما حاسيبك ترحلي وابقى بين نيران احزاني ونوحي
ولو لا حت لنا فرقه بقوللها لا يا فرقه ارجوك لا تلوحي

انا ما بتخيل ايه راح ابقى لما اعيش في الدنيا بدونك
وكان خليتك وين راح القى الكت بلقاهو يشع في عيونك
ابقي معايا موده ورحمه يا الفي قلبي هواك وسكونك
كوني في عوني انا بي تحنانك شان بي شوقي اكون في عونك

ولما الشوق كان جابك ليا ما خيبت اشواقك فيا
واتشربت احساسك شهقه دون ما احس بك انتي هديه
ما صدقت انا اني لقيتك ام وحبيبه وروح واخيه
هم الفرقه انا كاتلني كيفن عاد بي هم الجيه

كل ما اقول تفيق القاها ماشى على تضيق
يتواتا القدر خطواتى وانسد الطريق
تايه فوق عباب افكارى ما قادر اريق
انقر للطيوف مزمارى حايم فى الفريق
لازمنى السهر فى ليلى اصبح لى عشيق
اه اصلو المصائب غير ماشفت رفيق
قلبى وراك حالك ليلو مو شايف طريق
لازولا يقول ياحليلو لاقلبا شفيق
غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق
اه انا من عواتى زمانى كيف اقدر اطيق
هجرى ولوعتى وحرمانى فوق جرحى العميق
من نار الجحيم يا الغالى قلبى حرق حريق
واتبرا الغريب من حالى وابتعد الصديق
حتى زمانى وكت الشده فى احلك مضيق
لى زهره شبابى اتعدا واتمتص الرحيق