كلمات أغنية ما بتجف ابدا جفوني
مابتجف ابدا جفوني والدمع طوالي هاطل
والخلوق بعدك جفوني والضياع ياعابره حاصل
عابره ذكراك ياها عوني في الزمان الجاف وقاحل
في سراب توه عيوني في بحار من غير سواحل
عابره من فارقتك انتي اصلي ما ونيت مواصل
في طريق لو كان عرفتي سام ووا اسفاي قاتل
عابره محتار كيف الاقيك لي عيونك وين اقابل
مده في حرقه بواديك قلبي مارشاهو وابل
عاد اجيبلو الفرحه من وين مني كل الشايفو جافل
راجي من جمله مساكين رحمه الله الماهو غافل
الا بس وحياه حناني والمني الصعبان وساهل
بي غرامك يا اماني الفؤاد مليان واهل
للفراق البينا اسباب يوم تزول يا عابره امل
نبقي زي مانحنا احباب نمشي في الاعياد نجامل
عابره لوكان القي خاطري بسرقن في القيط سنابل
واهدي ليك من بين جواهري اندر الماسات في بابل
ترتوي وتشرب بواديك وينتشي الفي فرعو ذابل
ويرجعن صادات قماريك ويصدحن في الدوح بلابل
ان شاء الله ح اكون قريب يا التيت لك مني كل الود