كلمات أغنية لما الجروح تنزف
لما الجروح تنزف وتخيم الاحزان
مابتشفع الامال لى زول رجاها زمان
غيم الفرح هاجر لى دنيا غير دنياى
واقدارى ديمه عدوى زى نفسى فى جواى
عاش العذاب عمرى وبكت الليالى هواى
دا الخله طبعى حزين فى شعرى فى نجواى
ساحات صحارى الريد عرفت رماله خطاى
وحفظت كمان شعرى نمى وسبب شكواى
لو الزمن يرجع ويعيد فى لحظه صباى
ما كان خطاى تاهت وعطشت قوافى غناى
خدعتنى اوهامى وضاع العمر احلام
والفرحه مابيه تلم ليه عزابى التام
انا كنت قايل الريد طول العمر بسام
مافيهو يوم بيمر يملا الفؤاد الام
لكن لقيتو صدود حرقه وشتات افكار
ومرات زهورو تكون من اللهيب والنار
انا لى زهره ابت ترى النسيم المار
حبه عبير يصبح للريد صدى وتزكار
يا اللسه مفتكرين انو الربيع فى الريد
وانو البريد يرتاح وبى ريدو يبقى سعيد
درب الهوى المعروف مليان اسى وتنكيد
لاجنه لا افراح لا عيد يلاقى العيد