كلمات أغنية لا تزعلي

لا تزعلي لا تبكي لا لاتحزني لا ترثي مركبنا الغرق
قدر العشق انا وانتي نتلمه ونوالف ونتفرق
لا انتي لا انا لا القلوب الشايله حبنا بي صدق
تقدر تبل زرع السنين بي فيض دموعنا بعد حرق

غير نسال الله يسهل القاسي وتهون
يدينا في باقي العمر صبرا نقشقشبو العيون
دي القسمه والقدر الوقع والدايره اقدارنا بيكون
بس نحن ناس طيبين خلاص احسنا في الدنيا الظنون

سامحيني كان سقتك معاي في سكه في مشوار ضياع
ومليت حياتك بالمنى واحلام مسافره بلا شراع
وعميت عيونك بالغنا وكيف مرن الايام سراع
ما قايلك اسه بتكتبي مجبوره بي قلمي الوداع

لكن خلاص قبل الوداع وتفوتي والايام تفوت
خليك قدر البينا كان لاتفكي روسين الخيوت
لا تخلي قلبك للسنين لايبني فوقو العنكبوت
امليهو بي عشم الله خير لاتنسي احساسك يموت

ما انتي مولود الفرح الجاني في الزمن الحزين
ولدوكي في زمن الغناء المعزوف علي وتر الانين
جيتيني والايام عقاب وفضله من باقي السنين
في دنيا اخره كوم تراب لا بتدي لا تقدر تعين

لكن خلاص قبل الوداع وتفوتي والايام تفوت
خليكي قدرالبينا كان لاتفكي روسين الخيوت
ما تخلي قلبك للسنين لا يبني فوقو العنكبوت
امليهو بي عشم الله اخير لاتنسي واحساسك يموت

وانا اصلي مابنساكي يوم مهما يطول بينا العمر
وعارفك كمان شايلاني شوق وغرام مقلد بالصبر
ذكرى وحنين لي ماضي راح وايام تغفلنا وتمر
وعارفاني مابقدر بلاك الا الجبر
بس في النهايه اخوك اخوك لامن يضم جسدي القبر