كلمات أغنية فراق

يعني خلاص حبيبي فراق و اذانو اذن
افوتو نعيم ضراك وراك اتوه و امحن

وراك اتوه و امحن و انا الكت ليك براك
و فاكرك غادي للظن و فاكر اني ياك
تفوت و انا حزني فاجر و ايد الموت قريبي

قليب كم ليك عجن بيسال شن دهاك
و ليه نيرانو قجن روض احلامنا داك
طيورو الياما وجن حكن شوقي و مناك
ليه الليلي صنن ولا صدحن بجيتك ولا بشر قليبي

فت بدون توادع و ما راعيت ظروفي
ولا صديتبو راجع ولا رسيتو طوفي
كانك ماك سامع لي انات حروفي
قبال ما تفارق و اهاتي و نحيبي

ما شاورت قلبك اكيد يوم قلت تمشي
و انا ياني البحبك يبقى جفاك نعشي
طاعن في غلبك و جمر الحرقه فرشي
و كل ما يلوح لي طيفك تاني يقيد لهيبي

يعني خلاص حبيبي مابنتلاقي نسكر بالوفاء و التصافي
و بينا هوانا يكبر يملا الدنيا عافي
زي ما كنا و اكتر والايام موافي
تحس بي اني ضلك و احسك همبريبي

رشيت كم ليله سهدي و ما خليت نجيمه
و كم غنيت ودي هديتو سماك غيمه
تشيل الشوق تودي و تسقي رباك ديمه
الا خساره اظنك ما عاين صبيبي

يا من شلتو ريدك رعشات استحاله
تغشى جسد مريدك و دون مقصودو حاله
لا فارق مسيدك ولا احلامو نالا
و لا في بالو فوتك ولا عشمان في طيبي