كلمات أغنية حذارك
حذارك من تجيبلي اعزار حذاراك
قليبك ما براه اختار
بس باسف علي الايام وماضي العشره ياغدار
منو الصدق غرامنا اتلاشي قبال يشوفلو نهار
منو الصدق قصور امالنا تصبح في الحقيقه دمار
تصدقي لسه ما صدقتا تايه والقليب محتار
لاني معاك قايل نفسي في مامن من الاقدار
لانك ياحقيقتي المره كنتي حجاي مع السمار
لانك في غناي مقطوعه خالده ترددا الاوتار
لاني انا ان بقيت في الجني غيرك ما بدورلي ثمار
لاني انا من عرفتك تبتا يشهد كاتب الاوزار
قبل ما اعرف المقسوم فرشتلك الطريق ازهار
رسمتك بي مداد احاسي لوحه جميله في الاشعار
امن بغرامك وحدي حاسب نفسي في الابرار
وتب لاخنتا لا ارتديتا كيف يصبح جزاي النار
انا الما بيني بين الدنيا من ما قمتا مكتوب تار
متعود تقيلتي اشيلا قبلك كم عصفني عصار
قلبي الكان زمان موهوم وضايع بين سجون واسوار
خلاص حلحل قيودو معاك وحضر تابين غرامو وطار
زي ما كت بعز عينيك برضي كمان كتوم اسرار
الاهواك مهما يبقي تاني انا ما بكون لي مدار
قادر احيا راهب ريده امست في الخيال تزكار
والا بقولك يا مغرور وراك عجل الذمن دوار