كلمات أغنية اجبرني البعد

يله بصوت نسمعه دوم يرضيك
يسعـد بها قلبـي وروح الحبايب

ينغـم بهـا ابـن العليـي ويأتيـك
عن حالة الذكرى وشرح العجايب

ذكرى مواقف ما بها شي يخفيك
تبـدي حقـايق مـن وراها غرايب

أجبرتني بعدك وأنا كنت أغليك
وحديتني أختار صمت الغلايب

وجازيتني بالفعل طبع الغرايب

خيبت لي ظني وسويت ما فيك
وزريت في صدك وهجر الحبايب

عوضني الله وأنت الله يجازيك
كـل يـلاقـي مـن فعـولـه نصايب

ما عاد أبي عذرك ولا عاد أراضيك
دامك رضيت البعد عقب القرايب

لا تحسب إني عقب فرقاك أبكيك
أنا بكيت العمر لأجل الحبايب

عملت معروفي على قدر ما أجيك
ولقيت من طيبي خيانة وعايب

وأثر الوفا محظور عندك وغايب

خلاص يكفيني تجارب معاليك
قفلت أبواب الصحب والقرايب

عقدتها وأيقنت بعدك وناهيك
مالك أمل بالعذر بعد المصايب

شوف النهاية واضحة وسط عينيك
ما عاد لك توبة وإن جيت تايب