كلمات أغنية شبيه زايد

دارك تحبك والشرايف مراقيك
يا عزنا .. يا فخرنا .. لا عدمناك

مافي البشر يا سيدي من يساويك
حنا جنودك عن شمالك و يمناك

آمر تدلل طوعنا لك نلبيك
وتشوف منا لي يسرك و يهناك

الناس تبهج بالفرح من تبهيك
والشعب يسعى دايم ٍحيث لرضاك

نبصم بحبك مابها أي تشكيك
حبك تعلَّى في الخواطر "ع" لافلاك

يالله عسى دايم تحقق امانيك
والله يوفق بالوفا كل مسعاك

(شبيه زايد) في وفاك و مباديك
يا طيب قلبك والسجايا سجاياك