كلمات أغنية خوش ليله

صار الهيبه البيه حسدونه
سبحان الله السوه عيونه
احلى من الدر يوصفونه
نور اهلاله حبيبي
الشافه هنياله حبيبي

هيل وطش بكل اولايه
شعلو شموع وحنو الرايه
الله اليوم منزل ايه
الله حياله حبيبي
موتو عذاله حبيبي

الما يصفگ برد حيله
طشو جكليت بشليله
يا هلي وناسي
ذكرو كل ناسي

روح يا ساعي بريده
وكله غيرك ما اريده
يا نبض گلبي ووريده
يا هوه انفاسي
عشگي واحساسي

سوو درب للشيعه خلي يهوسون
شماتنه من القهر راح يموتون
عدنه علگ شنسوي بأم سبع عيون
فرغو الساحه راح نهوس فرغو الساحه
ما مش راحه گاع الله تحس مامش راحه

فرغو الساحه راح نهوس فرغو الساحه

فرحت بيك الشيعه الليله
وامك شدت رايه وشيلة
والما رادك شنسويله
واليحب وينه حبيبي
هذا مهدينه حبيبي

لا يتوازه المابي غيره
فرحانين بشيخ الديره
ما يتوصف هاي الحيره
بسمته وعينه حبيبي
يشبه حسينه حبيبي

يا جماله منين جابه
جنه عباس بشبابه
منه للفردوس بابه
الله مختاره
سيد الشاره

بدر وبليلة تمامه
شيوخ من الله عمامه
باجر يرد بسلامه
بيده فقاره
هاي البشاره

صار ازدحام اعله الورد والجكليت
شرف الدنيا هلالكم يهل البيت
ما شايلتني الگاع من تعنيت
صار الغالي يا گلبي افرح صار الغالي
يا هنيالي حبيت الصح يا هنيالي

صار الغالي يا گلبي افرح صار الغالي
صار الغالي يا گلبي افرح صار الغالي

لو بس المح طولك باجر
ما يغلبني بوصفك شاعر
والله اكتبلك شي ما صاير
يا نظر عيني حبيبي
روحي وسنيني حبيبي

ياهو اليوم يريد مراده
نمشي نحني بيوت الساده
كل العالم لو حساده
لا متعنيلي حبيبي
قبلتي وديني حبيبي

هلا بخيمتنه الجبيره
وشيخ عام اعله العشيره
سيد الكون واميره
سامع اعلومه
سيد الحومه

صلو عالمصطفى طـه
ابو صالح نوراهه
وهاي شمس الله عماهه
تخبل رسومه
هيبه من يومه

هذا حبيب الروح من اسمع جاي
يركض مسوده عالخبر گلبي وياي
يا هلا ومية هلا بجيت مولاي
لو مهدينه لو ما نعشگ لو مهدينه
منتظرينه خيال الحگ منتظرينه

لو مهدينه لو ما نعشگ لو مهدينه
لو مهدينه لو ما نعشگ لو مهدينه