كلمات أغنية اخنقته العبرة

ضيعت عمري وحلم العمر ضيعته
على طريق الفراق ولا معي دبره

والشعر يرسم شعورً ماتصنعته
كنه يعزف الحزن لا دقت النبره

ياكثر ما احاول بقلبي ولا اقنعته
حسبي على صدوف وقته سيلت حبره

فقدت لي شخص لو اموت مابعته
ياكبر قدره وحمل الشوق وياكبره

واقلبي الي هموم البعد تختبره

المشكله يوم حبيته وطاوعته
ماكان عندي خبر ولا معي خبره

والخاطر الي كسره الوقت واقنعته
حتى جبره الزمن ولا لقى جبره

اي والله اني ضميت لوصله وجعته
اخر لقى بيني وبينه على خبره

ياليتنا ما تواجهنا وودعته
ماكان صار انكساري للبشر عبره

جيته ومن شان ما ازعّلهْ سمعته
كلام يدفع همومه من ورا صبره

قلت ابتسم وابتسم واخنقته العبره