كلمات أغنية غدارين
- كلمات
- صلاح فايز
- ألحان
- محرم فؤاد
استمع إلى أغنية غدارين على الفن
غدارين مش بقولك غدارين
ليه يا قلبي تقولي لاءة هما مين
لسه بتقول هما مين وانت عارف دقة دقة
اللي فاكرهم حبايبي طلعوا مش حاسين بحبي
غدارين غدارين
ايه جرالك ايه يا قلبي كل ساعة تقول حبايبي
ليه بتفتح ليه جروحك وانت عارف فين جروحك
في هواهم فيه عذابك قبل ما تضيع شبابك
دا الهنا عمره يومين والعذاب يومه بسنين
اللي فاكرهم حبايبي طلعوا مش حاسين بحبي
غدارين غدارين
قلبي ياللي بالخيال كل يوم تبني في امال
الخيال ما يجبش فايدة والامال قصر من الرمال
ليه تفكر في النجوم والنجوم مش دارية بيك
دا الهنا عمره يومين والعذاب يومه بسنين
اللي فاكرهم حبايبي طلعوا مش حاسين بحبي
غدارين غدارين