كلمات أغنية البارحه ياحمد

البارحه ياحمد همي توذاني
الين حد القدم لدروب منسيه

سريت والله يعلم ويش سراني
انا وذيب الجبل واصياح جنيه

وش حد راعي الردا يسني مع الساني
يسقي جذوره وهي بالسم مسقيه

هو ما عرف ويش هو الباقي وش الفاني
والموقف الصعب هو يجهل طواريه

اعوذ بالله من ليل تغشاني
وفي جرت الذيب دم من بعد هيه

ويارب انا طالبك ياعالي الشاني
عفو تخلي صحاري الموت به حيه

وتعيد الارض في ملبوسها الثاني
وحمر النعم اتنعم في مراعيه

والقلب من عقب ما جاله وما جاني
ينبض على نبضه ماهي بوهميه

ويعيش في طرف عيني طرفه الثاني
وكلا على موطنه تقبل عزاويه

ابطت ليالي العنا والله قداني
الزم على جمره في القلب محميه

منها عطر عود لو ان وقعها اشقاني
والصبر زين ومحموده مجانييه

البارحه ياحمد له علمه الفاني
واليوم نبض جديد في قوافيه