كلمات أغنية ليلة مواجه

العمر ليلة مواجه والجفا اكبر مصيبه
والزعل واقف ورى البيبان يسمع ويتحرى

كل يوم يمرني من غير شوفك ويش آبيبه
والله انه مايعد والله انه مايطرى

الرفيق الليا تردى والعدو لابان طيبه
تبتلش ماعاد تدري من تصد ومن تذرى

الشجاع اللي يضد القوم ويرد الذهيبه
ماكسره الا الهوى لو اعترف والا تبرى

لو يكرر الف اسف ماتفيد اللي تضرى

البنادم لو يخيّر ماخذى الا نصيبه
والسنافي مايحط العذر ويشمت ويتزرى

انفرى صدري وعفت النوم والدمعه قريبه
لين صار الحزن يامر ويتهقوى ويتجرى

من يعالج في غيابك جرح قلبي ياطبيبه
استر جروحي العرايا دام قلبي لك تعرى

جعل يسقى يوم انا وياك والدنيا رحيبه
قبل تبعد والليالي دربها ماينتسرى

انكسرله وانجبرله واحتفيبه واعتنيبه
واقترب له وانجذب له والغلا فره وكرى

لو تزيدون الملامه اشهدن فرقاه حرى

المحبه منحة الله ماهي بحاجه غريبه
ان وفا لي وان جفاني بمدحه كل مايطرى

معلومات الاغنية
كلمات / عبدالله المشعان
أداء مالك الهريسى ..
توزيع ومكساج / محمود الزرقاوي