كلمات أغنية مرماي

مرماي مرمى ولي غايه ولي مطلب
مشتاق لاحساسك الاول ومحتاجه
جنب ورح من شمال وشرق وغرب
شوفك وقربك دوا المشتاق وعلاجه

ما منك فكه ولا سكه ولا مهرب
يا عنك ما عنك والاقدام دواجه
ما عنك ملجى ولا منجى ولا مهرب
الشوق مسراه لك دايم ومعراجه

سلم لك القلب امره كما ترغب
بابه وقفله ومفتاحه ومزلاجه
يا مال حالي وراس المال والمكسب
يا جوهر العمر والماسه ويا عاجه

روح تناديك حاول منها تقرب
شخص يحبك وراك تحاول احراجه
لو قال ما هو بحاجه لك ترى يكذب
ما زال للحب والاشواق في حاجه

اترك علي الغرام اللي تبي وتحب
وابشر بعزك متى قررت نتواجه
كلي عشم غايتي المطلوب والمطلب
العطف واللطف هذا كل ما احتاجه