كلمات أغنية علي الله

على الله يالبعيد اللي مشى هالقلب مشواره
على الله نلتقي يمكن تحن وتذكر عيونك

انا لولا الوفا ماجيت درب الشوق واقداره
وتركت اللي يبي قربي عشان اكون مسجونك

اذا قصدك تخيرني بعادك كيف ابختاره
وانا حتى زوايا البيت تسال عنك وشلونك

تصور كل ماصديت احس الخطوه محتاره
يناديني الفراق وليه توقف خطوتي دونك

يمر الليل في بعدك ويسال وش هي اخباره
واقول بخير مازلنا حبايب وانكر طعونك

عسى نور الفجر يطوي ظلام الليل واسراره
واشوفك في المدى تضوي حياه وعمر مظنونك

كثر ما زاد هجرانك يزيد العاشق اعذاره
احس انك تبي ترجع ولكن ظرفك يخونك

تعال القلب من بعدك ليالي ماحد زاره
انا من وين ابلقاها دخيل الله على هونك