كلمات أغنية شيخة الاوصاف
- كلمات
- الجادل
- ألحان
- يوسف سحاب
ترقي يا سمو الشعر الى من اغلا في جيلك
سلام مارقي الا لاجلها شيخة الاوصاف
سلامه القلب وياالروح ياللي في مظاليلك
مشاعر تحكي عن قدرك .. شعور بالعيون يشاف
يقام الحرف ويا الطرف .. على ساق وعلى حيلك
في شيخة من عدد كل الخلايق مالها توصاف
الا وانتي سليلة قوم .. ماتخفى مذاهيلك
كرام عزهم باقي على كل اوجه واطياف
تهادي في الحشي محد سواك وصعب تبديلك
تزيدي وماتزيد الا مشاعر .. بالفخر اضعاف
اودك من سلام اسمك الى اصغر تفاصيلك
اضم حرفك مابين حروف حبك .. للالف للكاف
كريمة يد لو تنمد .. تزهرني مخاييلك
عظيمة قد ماله حد .. لحتى بحر وضفاف
شعوري لك بعد خمس .. يزيد بزود تبجيلك
غديتي مهجتي وداري .. شعوري والشعر والقاف
البس حرف من تاجك مفاخر لو بيحكيلك
عليك بطبعك الراقي بكل صدق وكل انصاف
الا ودبي شالتلك .. سلام العين واهديلك
سحاب حمل اشواقي سرى يمك .. يطوف اطواف
ولا خان الفخر حرف .. تجلى في تفاصيلك
وانتي في سنا كوني .. عظيمة قدر واوصاف
واذا قيس راى حسنك .. ترك ليلى وتبع ليلك
ولا يكفي بعد هذا .. بحسنك كلمة تنضاف
مشرف الوتريات : الاستاذ محمود سرور