كلمات أغنية عينك بعيني
- كلمات
- سداح العتيبي
- ألحان
- ماجد العازمي
لا تكحلين العين يا قرة العين
مانيب ناقص من سواده حكايه
لقيت في رمشك حكاية محبين
الله كتبها بين داي ودوايه
خليه يحكي قصة الملح والزين
برعاية الله مايبي له رعايه
عينك بعيني وش بغيتي تقولين
في نظرتك ما للسوالف نهايه
تفضلي بالسلهمه لا تشحين
قلب يحبك يستحق العنايه
حطبت لك من حدب الاضلاع ضلعين
ورزيتها لعيونك السود رايه
واللي بقى رديتها للروايه
تاخذني الغيره وانا خاطري شين
ما ودي ان الناس تبحث خفايه
من عودك المياس وانتي تمشين
خايف عليك من الحسد والوشايه
اما اجلسي بالبيت مثل المساجين
والا البسي فوق العبايه عبايه