كلمات أغنية يا زمان
- كلمات
- عبد الوهاب محمد
- ألحان
- سامي الحفناوي
يا زمان فين حبيبي بتاع زمان
اللي حبي عنده هان
يا زمان ياللي انت ماشي في اتجاه مالوش رجوع
قلبي زيك في اتجاهه للي طفا له الشموع
بس فات لي نار عجيبة مش بتطفيها الدموع
اشكي مني و الا منه
اشكي منه و الا مني
ولا منك يا زمان
يا زمان يا منسي غيري ليه مانستنيش هواه
ليه مخليني لما اصادف حب غيرة اقول له لا
اشكي مني و الا منه
اشكي منه و الا مني
يا زمان مالكش غالي ايه مخبي تاني ايه
ليه مخليني بحناني اشكي منه و اخاف عليه
اشكي مني و الا منه
اشكي منه و الا مني
ولا منك يا زمان