كلمات أغنية الصبح دق الباب
- كلمات
- صلاح جاهين
- ألحان
- لطيفة
الصبح دق الباب
افتح الاقي جواب
مشبوك في صحبة ورد
بيسال وبيشرح الاسباب
ليه الغياب ليه ليه
ليه العذاب ليه ليه
من غير عتاب
رقصت رقصت من الفرحة
من الفرحة رقصت
اصل الهوى غلاب
من قبل ده المرسال
وبقيت حالي حال
خاف الظلام منه
حيرانة مالي دليل
صابرة وصبري قليل
مادام حبيبي جميل
وماليش غنى عنه
ملا عليا حياتي
وبقيت بشوفه يوماتي
وفجاة اختفى
ايه اللي جرى ياخواتي
لكن اقول الحق يا حبيبي قلبك رق
والخير سبق والباب دق
رقصت رقصت من الفرحة
من الفرحة رقصت
اصل الهوى غلاب
جاني جاني جاني
جاني ملاني حنان
وحنين ولهفة كمان
ورد ف ورق سوليفان
ابيض على بمبي
الابيض يقوللي سماح
يوعدني بالافراح
والبمبي خدني وراح
لحبيبي وروح قلبي
اقولله اوعاك تاني
تكون سبب احزاني
دانا شفت يوم هدني
لكن اقول الحق يا حبيبي قلبك رق
والخير سبق
والباب دق
رقصت رقصت من الفرحة
من الفرحة رقصت
اصل الهوى غلاب