كلمات أغنية عايزينه ايه
عايزينه ايه عايزينه مين
عايزينه واحد مننا
و نقوله ليه و نقوله فين
طب ليه نخاف دا حقنا
عايزين رئيس يكون حسيس
و تكون اجنده حكمه عدل
ميبعش بلده بالرخيص
ميسبش فيها خسيس و ندل
لازم يكون مصري قوي
و ميمشهاش حكم القوي
عايزينه يبقي رغيف و قوت
عايزينه من الاخر يحس
هم الغلابه في البيوت
ميعش للكرسي و بس
لازم يكون مصري قوي
و ميمشهاش حكم القوي
و نقوله لا و نفول غلط
لو عقله منه مره شت
او عقد حكمه في فرط
يالي انت فوق راح تبقي تحت
حاسب و كون مصري قوي
و متمشهاش حكم القوي
يالي هتحلف اليمين
خليك امين علي كل دم
راح في التراب لجل السنين
تطرح امل و اهو دا الاهم
انك تكون مصري قوي
و متمشيهاش حكم القوي
عايزينه ايه عايزينه مين
عايزينه واحد مننا
و نقوله ليه
و نقوله فين
وليه نخاف دا حقنا