كلمات أغنية لا ياهلي لامت
لا ياهلي لامت والموت مضمون
ذا اللحين والا ياهلي بعد حيني
مافيه داعي للبكاء ليش تبكون
لاهو في يديكم ولا في يديني
اهل الهوى قليل منهم يعيشون
وسط القبور من الهوى ميتيني
وحتى اذا ماتوا تراهم يعانون
بالهوى دوم ويجاذبون الونيني
وانا بوصيكم عساكم تحفظون
وصيت الراحل مع الراحليني
لاتقبروني خوفوا الله تكفون
الا بدار'ن يسكنه نور عيني
واذا وضعتوني بقبري تقولون
للي قتلني بالهوى كلمتيني
هذا قتيلك مات راضي وممنون
والشاهد الله والملا شاهديني
سنين راحت عاش من دون في دون
بين الرجا والياس عده سنيني
الصد والحرمان والذل والهون
والبعد والهجران والصبر شيني
واليوم في دارك وعندك ومدفون
لو كنت قاسي قلب قلبك يليني
يمكن دموعك فوق قبري يهلون
تسقي ثراء قبري ولو دمعتيني
دمعه حزن تجري على خد محزون
ودمعه ندم فيها الاسئ والانيني
ودمعه تبدد هم بالقلب مكنون
ودمعه تطفي نار جرح المكيني
واقول له تحت الثراء كنت مديون
واليوم سامحتك على كل ديني