كلمات أغنية كل فين وفين

زعلت كتير وسكت كتير لوحدي عيشت

والشمعة ليه اتطفت رغم انا داريت ماحكيتش

وانا حكيت عنك لنفسي ومعملتش حساب دلوقتي

امتي اتفقنا يعني اني هرجع تاني لوحدي

تفكيري زاد تعبني ياريت تلحقني

رجعت اما اشتقتلك واما مشيت سألت ايه اللي جابني

مظنش في علاج ينسي انا مرضي دماغي

رغم ان كله في بالي ضحكت وقولت مش في بالي

محدش عارف يمكن عشان دايما ساكت

مشافوش الولعة جوا فقالوا عني اني بارد

وعادي قولت انا اني مش محتاجك محتاجتش غيرك وحياتك

بلف في دايرة انا زعلان و احل ازاي

شوفت اما سكت متكلمتش انت ازاي

وانا زي ما انا مش بحكي ولسة عصبي وبأذي نفسي

اسال كوبايات القهوة عني دي اللي عارفة زعلي

جرا ايه هنحن ولا ايه شافوني زعلت مرة زعلوني اتنين

بزعل كتير وبكتب كل فين وفين

دلوقتي انا القاتل وانا برضو المجني عليه

سالت نفسك قبل لما تقول عليا دة

وصولي للهدوء مكانش سهل

ولا حد معايا دلوقتي ولا انا جنب حد

الوحدة رخمة بس هتتعود ع الجو مع الوقت

قلبي دة اللي جابلي الزعل ياما عاجبك حالك

بكلم نفسي زمان ولا يوم من ايامك

عكس الظن قلبي طيب كله ضر مين ال طيب

وبسبب كلامك فيا نص مبقاش طايقك

على حالي دة من مدة انا ف هدوء لكن مش هدنة

وازاي تهرب من نفسك لما تبقي سبب حزنك

والكلام مبقاش يفيد بحاجة انا اتغيرت و انتي

مستسلمتش انا خلصت قول للدنيا تحل ودي

وصلت القمة انا في قمة حزني

وليه انا عوزتك ملقتكش ما كنت معاك انا اما تعوزني

وانا تمام لكن صدقني ده كله مش كلام

معرفتش اكتب ولا اوصف قررت انام

https://www.youtube.com/watch?v=nmdEY7UhvF0