كلمات أغنية موال يادنيا
يادنيا انتي الحرمتيني من اهلي
سكنت الغرب من غصبا علي
ادق يا باب واسال من عليكم
ضعف صبري وزماني خان بي
شوصفلك غربتي صدري مخنوق صوتي مبحوح
دفنتوني بغرب وتعالج الروح
غريب وكل غريب يتذكر اهله
الام الحبيبه والدي الحبيب اخواني احبابي اصحابي جيراني وفي البيوت
وك من غيركم دنياي تابوت
عذاب فراقكم كنه المنيه
هلي احباب قلبي هلي
تذكرون الصبح وانتم تفطرون
بعدها صورتي تتوسط البيت
المكان اللي احبه بعده موجود
حديقتنا بعدها محمله ورود
والاغاني اللي احبها من الطفوله لام كلثوم ولناظم الغزالي
وللكبنجي حنيت
لبوذياتنا ومقاماتنا عتاباتنا وسحر المواويل
للمقهى القديم وشاي ابو الهيل
بحضن دجله الزوارق هايمه تطوف
ونيران الشواطي وسمك مسكوف
الله ينتقم منج ياايام هلي الطيبين ضاعوا من ادي
بيش اعوضهم ياربي وانا قلب الطفل قلبي
من يجي براسي هواهم يحرق ثيابي العلي
اقرا ايات ودعائي يهون الغربه علي
كل صوركم بكت يمي
افرجها ربي شلون بي
حقي لو اضعف شسوي الارض مو ارضي
الناس مو ناسي الجو مو جوي
يصير اذل نفسي واشكي لعدوي امري