كلمات أغنية الزين
استمع إلى أغنية الزين على الفن
الزين هذا حلو و زين
زاهي بلا عقد وقلايد
مزيون يسبي القلب والعين
فيه الحسن والزين زايد
ما شفت انا في وصفه اثنين
ترف الصبا غض النهايد
من وين هذا الريم من وين
لي صار للغزلان قايد
مفنود عن كل المزايين
نوره لنور الشمس عايد
في مبسمه در مثامين
يك ودانات فرايد
عوده اذا هب الهوا يلين
فارع ومياس ونايد
تحلى به الاوصاف وتزين
وتزين به حتى القصايد
يا زين
يا زين منك العذر مقبول
والشيء لي يرضيك نرضاه
الا ان سعوا حساد وعذول
دون الموده والمجافاه
خاب الرجا لي كان مامول
وامست مودتكم مراواه
للحب شرط ورسم واصول
عند الذي عارف بمعناه
يا بو ثنايا تشبه اللول
والخد خاله فوق وجناه
تغير رايك موب معقول
عقب التصافي والملامه