كلمات أغنية فرعونة الحسن

فالبال بنت عجزت أسج وأنساها
حروفها في جدار القلب مرسومه

من ليلة وصالها لا يوم فرقاها
ميلاد حب عسى يومي قبل يومه

لجل رضاها رهنت العمر لرضاها
والا البشر بالبشر ماهيب ملزومه

فرعونة الحسن من فدوة محياها
حياة روح على روحين مقسومه

من عمرها يوم دلوعه ومحشومه

محد يتجراء يحاسبها على اخطاها
دايم تجي ظالمه وتروح مظلومه

ما همها لو تصير آخر ضحاياها
نفس من الصبر والسلوان محرومه

يجنح بي الشوق واعود لذكراها
لعل يسقي زمان الوصل ديمومه

غنيت دنيا حظوظ وحظي اسواها
حتى يدلك وأنا في سابع النومه

لازارني زاير الفجر بهداياها
يدركني الصبح قدام آخذ علومه