كلمات أغنية هيبة رفاعه ترد العدى واخطارها

للشعر مقياف وان حان ميقافه نقوم
انتقي ندر بيوت الشعر وخيارها

احتمي دوري وقسمي من خيار
القسوم
المعرفه والشعر عندنا مصدارها

بسم ابومتعب ومتعب واسم ربعي عموم
مرحبا ترحيبت وافيا مقدارها

ياهلا يامرحبا بالرجاجيل القروم
عد ماهلت مزون السحاب امطارها
كل رجال لفانا مقدر ومحشوم
مكرمين ضيوفنا كبارها وصغارها

يوم جاب اهل الوفاء والله انه خير يوم
جار واصحاب وضيوفا بعيد دارها

عند ابومتعب محمد هلا فيكم عموم
وابومتعب من رجال طوال اشبارها

مكرم الخطار له وقفت تجلا الهموم
دايم اهل الشور له تسترد اشوارها

وحي متعب لاذكرت الرجال اهل اللزوم
وقفته تحسب وتذكر وحيه نارها

دون ربعه محتزم كل ليل وكل يوم
وقفته تلفت جيمع البشر وانظارها
ربعي رفاعه هل المرجله واهل السلوم
الشجاهه والكرم طبعها وشعارها

متعبين الخصم لابان بالدعوى خصوم
هيبة رفاعه ترد العدى واخطارها

والف مبروك لبكر ياعسى افراحه تدوم
والسعاده في طريقه تشع انوارها

ناسب منير ونعم واشهد انه راس قوم
من بني سفيان قوما عزيز جوارها

ماتغير سلمهم برد ولا في سموم
حافظ التاريخ ميقافها اخبارها

تمت وصلو على المصطفى عن النجوم
وعد من صلى بمكه وطيبه زارها