كلمات أغنية يا حمام يا مروح
- كلمات
- فتحي قورة
- ألحان
- حليم الرومي
- السنة
- 1951
يا حمام يا مروح
يا حمام يا مروح بلدك متهني
خليني أنوح وإنت اللي تغني
آه يا حمام يا حمام
يا مروح
إن شفت حبايبي ورحت لهم
فكرهم بعذابي في حبي
سلملي عليهم واحكي لهم
على نار الشوق اللي فقلبي
ده هوايا هواك
ودوايا دواك
ماتاخدني معاك
ماتاخدني معاك
يا حمام يا حمام
يا مروح
أنا زيك في الدنيا لوحدي
وهوى اللي بحبه شغل بالي
حجبوه عن عيني وطال وجدي
وهنايا بكلمه يقولها لي
سلم لي عليه
والروح يإيديه
وبحن اليه
وبحن اليه
يا حمام يا حمام
يا مروح
آه يا حمام يا حمام
يا مروح