كلمات أغنية ريحة حنين

نازلة ومزاجى عالى عاملة مش واخدة بالى
سايبه فى البيت زهق السنين كتابى على الكومودينو
قلبى مش عارفه فينه رايحة مش عارفة رايحة فين

لابسة اجمل حاجاتى باسمع امل حياتى واسال طب بس هو مين
حاطة ميك اب هادى عاملة تسريحة عادى قلبى مفيهوش ريحة حنين

حبة ولقيته واقف شايفة وياريته شايف فجاة بقينا عين فى عين
حيرة وجنان وربكة عيني فى عينه شابكة
ويا قلبى ليه فرحان حزين

راحت من عينه لمعة نزلت من عينى دمعة ميه وازاى تشعل حريق

راجعة ومودى قالب مش عايزه اعيش فى قالب خايفة اروح تانى للكتاب
لازم احب وافرح لو حتى الحب يجرح بكره يخرج قلبى من الدولاب
لازم يخرج قلبى من الدولاب