كلمات أغنية انتظر

أحسب إن القلب تال الوقت دين
لين شفت بروق عشق الزين لاحت

اعرضت لي مهرة قامت تزين
جرت المعلوق والصدر استباحت

قلت جرحك في الحشى ماهو هوين
والسدود من العيون السود باحت

والله إن القلب ماطبعه بـ لين
ومن سببك ضلوعه الصلبات ناحت

مهرة من دونها الفريس طاحت

دوسري وإسمك المشهور بين
وعزوتك في ظلها الروس استراحت

تشتري كلمة نعم لو هي تدين
للفعل قراي والتاريخ ناحت

بس أنا لي مدة وأنا أتحين
فرصة كم مرة لاحت وباحت

عين أيام السعد معك إيتهين
كلما قلت أقبلت بالوجه شاحت

الوداع وكانهن الأقدار عين
لاتحسب إن دلة النسيان فاحت

والنواعس باسود الشانيل ساحت

ودعت فعيونها شي معين
كنها تقول أنتظر وصلك وراحت