كلمات أغنية يا غزال

هواي العذب انا مالي وطن غير العيون السود
خذيني في كنفها لين رشمك يبسط ظلاله

على كثر الوجيه اللي تبين وتختفي وتعود
انا ما شفت مثلك يا غزال شايف حاله

تميل الريشة اللي فوق راسك مع هبوب النود
ليا جيتي ما بين الناس مغرورة ومختاله

ملامح يوسفية زينها راهي و لا محدود
اجل من القمر واجل من عشرة من أمثاله

عليكم زود وازينكم وجه مشروب فنجاله

يا سبحان العظيم اللي فرق وجهك عن الموجود
يجي والناس حوله جالسين وكنه لحاله

انا ما ودي اشكر في حياتي غير ابوك العود
مسوي له جمايل بعد ما جاب اجمل سلاله

عيون الناس لا لدت على سلسالك المحسود
يحسدونه على طيب المكان وطيب الاطلاله

نحطك فالصدر ونحط في عين الحسود العود
عساه اليا نطق بالشين فال الله ولا فاله

حلفت ان الحزن ما يدخل بقلبك وانا موجود
انا موجود لجل أزينه ووازين احواله