كلمات أغنية محازم الشدة

البارحه عيا يجيني النوم واخطيت المبات
والصدر من كثر التفاكير الطواري تدهله

قامت تراوده التفاصيل القديمه والجهات
ان مره الشوق اقتله وان مره الولف اقتله

ماهيب معقوله ثلاث ايام احط ملاحظات
البيت الاول انقضه والبيت الاخر افتله

الشعر مرسى الشاعر المبدع في حبك المفردات
يرسم تفاصيله ويكتب القصيد ويرسله

هذا يغني من حزن نفسه وهذا من وله

والشاعر اللي يرسم احساسه عشان المترفات
ماهوب منصى للمواقيف الكبار االمعضله

اما نعس عينه عشان ام العيون الناعسات
والا كتب له شعر مايسمع ولاحدن ينقله

وانا ليا جات المهمات الكبار المعضلات
اقف واعد الشعر فالماقف واحل المسأله

لعيون ابوسلطان ركبت االبيوت النادرات
ماني ب لاحق له جميل ن قام فيه وجمله

له الجناب الدمث والرايه في روس النايفات
الطيب اله والجود له والفعل اله والصيت اله

وهو بعد في علاج ومرافق وعنده مشكله

ماصد من وجهي يوم ان علومنا راحت وجات
عزالله ان بينك وبين الطيب يامحمد صله

انت الحزام اللي يشد به الضهر فالنايبات
امنين مالقيت وجهي فاللزوم احصله

ف مناسبتكم عندي الليله اعز مناسبات
والله مدري ويش اجازي وانت راعي الاوله

يامرحبا ترحيبة ماجات فيها مهاترات
ترحيبة فيها طناخة جود وفيها ومرجله

ياضيفنا قدمك ارجالن طيبهم على ثبات
اقلط على اللي تفعل وتستاهل اللي تفعله

العود الازرق والشحم والباقيات الصالحات
على ضيافة عود فيه من الطناخه احفله

في حلت اللي يفعل الواجب لاجات الموجبات
على مواجيب النشاما دايمن فيه اعجله

اسم جعفر انقدمه بالطيب بدون مقدمات
الشايب االي عند ربعه له مكان ومنزله

ياجعل يبطي حي ماجاته صواديف الحيات
اللي يمينه مطلقه واللي فعوله مذهله

من ال لزيد اهل الفعول النادرات المعجزات
محازمن فالشده ومكارمن فالمرجله

على الخوي االي يخاويهم مثل سكر نبات
وعلى العدو يعقلون ارجيله قبل اتجندله

تقرا عليه الفاتحه تقرا عليه النازعات
وتزلزله من قبل لاتقرا عليه الزلزله

كبيرهم لامن وقف مثل الجبال الراسيات
وصغيرهم يقبل على راس العقيد وينطله

هواجرن والى ركبنا في ضهور المسرجات
خيولنا لادقت الساعه ماهيب محجله

افعالنا بين الكواكب والنجوم االمرقبات
وامجادنا في صفحة التاريخ دوم مسجله

خلان اشده فالسنين الحاضره والاولات
مافيه دار ماوطينا فوق ضلعه واسهله

حتى العشاير ماعليها خوف لاراحت وجات
في ضفنا ترى الخطر وفي كل قاعن تنزله