كلمات أغنية حالة طوارئ

الحمية كنها الماء فوجيه اهل الفعايل
وانت ياوجهي لربعك فالمواقف ماتدارى

ابشر بعزك يابو غازي ليا جات الصمايل
خل عنك القاف وبيوته كما مزون تبارى

البطا عن قمة الابداع سوا لي هوايل
والقريحة ثورت لاجلك كما ثورة جيفارا

تستثير الشاعر فعولك كما قدح الفتايل
القصيدة شاذلية وانته قناد وبهارا

فوقعها يثار الغبار اللي مايلحقها غبارا

نخبويه في صورها ونخبويه فالمثايل
كل فكرة فمحتواها كنها صيد الحبارى

يابشر رموا غتركم والحفل كايف وشايل
بعض الاحيان الوقار ابدا التبري من الوقارا

ذا ولد منهو حفظ جميله شيوخ القبايل
بالجميله ساد ربعه فالمواقف ماتوارى

حر ماله مثل ذود ماكسى نياقه شمايل
في طرف خط سريع ويرتوي منه الطفارا

لاتعزوى بالقلم توقيعه يحل المسائل
فاقدته المعضلة بعده مدامعها حيارا

لو يهد شعيل حمله ماتثنيك الكبارا

الحجاج اللي مايعقد لانصاه فيوم سائل
فله ولوح بيمنى ماتحسب للخسارا

ياعماد اطنخ على عز وشرف والراس طايل
حولك ربوعك وصيت امجادهم عم الديارا

ينتهي عقد المديح ولانتهت فيك الجزايل
لو رضت عنا اليهود ولو رضت عنا النصارى

حالة طوارى عمت اليوم عسفاني
مثل ليلة عيد بانت مواريها

اتقول مابين الاقامة والاذاني
الشوارع مابقى اللي مشى فيها

الا صدا يامرحبا بقاصي وداني
رحب بشر اهل الوفاء الارض يطويها

بالقبول وبالنبا وسمن وسماني
تنتظر ضيفانها وفحراويها

بشر ربع العز ماتنشد الجاني
وش مصيبة في حياته مسويها

في ذراها لين يسمن من الضاني
لو تهرج العافية منه توحيها

فالحرابة ماعرفت جانب انساني
كم عجوز فاقده زول غاليها

خصمنا مايجيه وسواس شيطاني
يحذر الشيطان نفسه لايغويها

يعرف انه لانوانا بينهاني
ثم يسالم حرب قدام ينويها

والعفو بالمقدرة لحرب عنواني
كم رقبة قرب السيف يجنيها

مجدنا ماهو كلام فديواني
بالذهب حنا التواريخ نكسيها

ياكم باشا عازله امر سلطاني
والمهم الترك خابت مساعيها