كلمات أغنية العظيمة

العظيمة اللي ورا ذاك العظيم
تمسح عرق وجهه وتشد ظهره
قالوا الأسلاف في الجيل القديم
كل رجل عظيم يجي خلفه مره

وانتي ياللي من ورا الشيخ الكريم
سخرك ربي وهولك صخرة
لين صرتوا اثنين في درب القويم
لا انعواج فيه ولابه مسخره

كملك ربي بالعقل السليم
لين صرتي في حياتك مثمرة
وانتي انتي بس وماغيرك مره

إن زعلتي اكتحل جوك بغيم
وان رضيتي كل السحايب ممطرة
وان تعوذتي من ابليس الرجيم
صدقيني يموت من الجن عشرة