كلمات أغنية تكفى كفاية

تكفى كفاية يا زمن من بلاويك
تقسى على العشاق منتب تليني
جتني تقول ان به خبر ما يسليك
ما هوب والله في يديك ويديني

روحي وقلبي باقي معلقة فيك
حبك ملكني والدهر مبتليني

ويا اهل المحبة لا تقولون وش فيك
هذي تراها حالة العاشقيني
تقول لي ما عاش من هو يخليك
يا كيف أخلي نور قلبي وعيني
وأقول ما غيرك سكن قلب مغليك
ياللي زرعت الحب والود فيني

كنت أتمنى ما يجي يوم وبكيك
وابكيتني بنبرة حزنك الدفيني
تدري وش اللي محرق قلب مغليك
يوم احرموني منك وانته تبيني

لاهوب مرضيني ولا هوب مرضيك
حالت ضروف الوقت بينك وبيني

ومن المحبة كل ما مر طاريك
أعيش كل اللي مضى من سنيني
اتغصني العبرة على أيامنا ذيك
وأشتاق لك شوق البدو الاوليني

ودعتك الله رح عسى الله يهنيك
ما فيه شي كنت أخاف وأنا أبيك
إلا مقادير الزمن لا تجيني