كلمات أغنية الفرصة الرابعة

مش مرة ولا إتنين دي التالتة
وإنت بتغلط نفس الغلطة
وعشان العشرة بعديها

هأديك فرصة لحد الرابعة
مع إن التالتة كانت تابتة
والفرصة اللي مافيش بعديها

لو زعلان على زعلي هتفهم
مازعلتش يبقى البعد أرحم
علشان ماتلومنيش بعديها

ف كرامتي أنا مابعديش سنتي
دي كرامتي اللي ماليش بعديها

بتغير م النسمة اللي تعدي
ودماغك بتجيب وتودي
تيجي تكحلها بتعميها

والموضوع زود وبيكبر
واللمبة الحمرا أما تنور
أنا خايفة معرفش أطفيها