كلمات أغنية دعوه مستجابه

الرجاء من قال بابه باب جنه
والله ان اموت ماطقيت بابه

من يجيب العود الازرق من مغنه
مايجيب احلام من ضيع شبابه

صبري .شايب والليالي بيدنه
مفلسن من وقفة عيال وقرابه

الجبل حتى السنين يغيرنه
نجد تال الوقت اضيع في هضابه

والسوالف بيننا غرة سحابه

كنت اخاف الهجر في لحضه يشنه
مامن الاقدر وحلوق الذيابه

شدت اعصابي مثل شد الاعنه
كل ما نادني وجاري الكتابه

خفت تخلفه الليالي واخلفنه
اختفى عني وغير واتسابه

محتسب والشر في صدري اكنه
والسعاده بين وقفه واقلابه

العرب جاملتهم من غير منّه
فكري سارح وابتساماتي نهابه

من سوالن يحرجه ماله اجابه

ويني ووين الحياه المستكنه
كم لي بدوامه وحالة كأبه

والله ان دقات قلبي ضرب اسنه
كل لقمة زاد عن طعنة حرابه

رجعولي قبل اراجع مطمئنه
فرحتي والنوم ومطول غيابه

اتحرى جيته وانا ادري انه
ماتجيبه غير دعوه مستجابه

معلومات الاغنية
كلمات : عبدالله سمران
أداء : فايز الدوسري
هندسة : محمد العلي
توزيع: الفان ديجيتال